Амьдрал өөрөө баялаг

Айн Рэнд ^Миний худалдаж авсан нөхөр^

no_email@coo.mn (uukiinaa) — Sat, 23 Jul 2016 16:30:00 +0800

Би энэ өгүүллэгийг бичих учиргүй байсан юм... Зөвхөн чив чимээгүй байснаараа л би энэ бүхнийг даван туулсан. Өөрийгөө дуугүй байлгахын тулд магадгүй энэ хорвоо дээрх ямар ч бүсгүй туулж гараагүй тэр их зовлонг би тэссэн юм. Харин одоо би ярьж эхлэхээр шийдсэн. Yнэндээ одоо нууцаа дэлгэх нь ямар ч утгагүй ч гэсэн итгэл найдвар минь байсаар байгааг би саяхан мэдсэн юм. Миний эцсийн ганцхан найдвар. Надад одоо их цаг үлдээгүй байгаа. Амьдрал хов хоосорч, эрлэгийн үүдэн дээр оччихоод байхад хамгийн эцсийнхээ боломжийг ашигласныг минь буруутгах хүн гарахгүй гэж би найднам. Бүх юм дуусахын өмнөх ганцхан боломж... Тийм учраас би энэхүү нууцаа бичихээр шийдсэн юм. Би Гэнрид хайртай байсаан. Одоо ч хайртай. Өөрийнхөө тухай өнгөрүүлсэн амьдралынхаа тухай хэлж чадах ганцхан юм маань гэвэл ердөө л энэ. Миний амьдрал гэвэл ердөө л Гэнри. Энэ хорвоо дээр хайрлаж дурлаж үзээгүй хун нэгээхэн ч үгүй биз ээ! Гэхдээ хайр гэгч чиний ухаан санаа, зүрх сэтгэл гээд бүх л хил хязгаарыг төвөггүй давж чаддаг юм билээ. ...

[дэлгэрэнгүй]

О. Дашбалбар \"Амьддаа бие биенээ хайрла\"

no_email@coo.mn (uukiinaa) — Wed, 14 Oct 2015 13:10:00 +0800

Амьддаа бие биеэ хайрла, хүмүүсээ
Алив сайхан бүхнээ бусдаас битгий харамла!
Хэрэггүй үгийн зэвээр зүрхийг минь бүү шархлуул
Хэн нэгнийгээ харанхуй нүх рүү битгий түлх!
Архинд орсон нэгийгээ шоолж бүү инээ,
Аяа, чиний аав чинь ч байж мэднэ шүү.
Амжиж, чи өөрөө алдрын зэрэгт хүрсэн бол
Аз жаргалын хаалгыг бусаддаа нээж өг!
Ачийг чинь тэд бас бүү мартаг.
Ганц сайхан үгээр дутаж яваа хүнд.
Гарцаагүй түүнийг нь олж хэл.
Гадаа нартай ч, гэрт хүйтэн өдөр
Газар дээр нэг бус удаа тохиолдоно.
Чамд дурласан сайхан хөвгүүнийг
Чанга хатуу үгээр битгий гомдоо, бүсгүй минь
Чамайг хайрласных нь хариуд хайрла!
Чамаас сайхан хүүхэнд ч дурлаж ч болох шүү.
Бидний амьдрал ав адилхан,
Бидний хоолой дээр үг хүртэл нэг янзаар зангирч
Бидний хацар дээр нулимс хүртэл нэг янзаар бө...

[дэлгэрэнгүй]

Б. Явуухулан гуайн "Алаг дэлхийд төрсөн минь учиртай"

no_email@coo.mn (uukiinaa) — Wed, 14 Oct 2015 13:03:00 +0800

Алаг дэлхийд төрсөн минь учиртай Алтан дэлхийд төрсөн минь учиртай Аавын гэрийн амар тайвныг эвдээд би Ачит эхээ арван сар зовоосны эцэст Алаг үр нь болж баярлуулах гэсэн юм би Алтан дэлхийд төрсөн минь учиртай Гэрэлт орчлонд төрсөн минь учиртай Гэмгүй шувуудын үүрийг эвдэж өндгий нь няцлаад Хэрсүү сууж ухаан орсныхоо эцэст Гэнэн насаа өрөвдөж зовж явах гэсэн юм би Гэрэлт орчлонд төрсөн минь учиртай Алаг дэлхийд төрсөн минь учиртай Адуу манаж дассан атархан тал нутагтаа Анхны дурлалтай учирч эмнэг сэтгэлээ уяраагаад Аз дутаж амьдралын турш мөрөөдөх гэсэн юм би Алаг дэлхийд төрсөн минь учиртай Тоост хорвоод төрсөн минь учиртай Тохойн чинээхэн үрийнхээ шөнийн уйлахыг сонсож Төрсөн эцгийндээ авчирсан зовлон баяр хоёрыг Тоо ёсоор нь өөрөө амсаж мэдэх гэсэн юм би Тоост хорвоод төрсөн минь учиртай Дуулим хорвоод төрсөн минь учиртай Дуулж суугаад ээжийгээ уйлахыг нь үзэх гэж Дуунд тийм чадал шингэж байдгийг мэдээд Дуу өөрөө зохиож дуутай хамт амьдрах гэсэн юм би Дуу...

[дэлгэрэнгүй]

Сэтгэлийн бачуурал

no_email@coo.mn (uukiinaa) — Mon, 12 Oct 2015 00:25:00 +0800

Цээжинд хөндүүрлэх зүрх минь Цохилж чадахгүй бачуураад байна Аньсаг нүдний сувд минь Аягандаа тогтохгүй бөмбөрөөд байна Сэтгэлээ онгойтол уйлсан юмсан Сэмхэн сэмхэн арчсан юмсан Ихэр татаж уйлалтай нь бишдээ Энхрий үрс минь амгалан нойрсог дээ Уртаас урт санаа алдавч Уяхан сэтгэл минь үймэрсээр л байна Аяа хүн байхын учир нь энэ юм уу Урсах нулимс халуун байх нь сайхан юм уу? Уйгах амьсгал бүлээн байх нь чухал юм уу? Ай мэдэхгүй юм даа ! Амьдрал алгаа дэлгээд сайхан байна гэлцэх Айлын алаг үрсийг ялгаж бас атгаад байна гэлцэх Аав ээжийн нүгэл юмуу гэж гомдоллох Азгүй миний заяа юмуу гэж гомдох Ай бас л мэдэхгүй юм даа ! С. Уугантуяа 2015-09/28

Өчүүхэн харамсал

no_email@coo.mn (uukiinaa) — Mon, 12 Oct 2015 00:16:00 +0800

Хар дарсан зүүдээ өөрөө бий болгочихоод
Хайран залуу насандаа амьдралаас халширж цэрвээд
Хайрын дуунд уярж хосууд харж баясаад
Хархан бор нүдэндээ гунигийн нулимстай сууна
Эмзэг энхрий насандаа эргээд очихыг хүсэж байна
Энэхэн цаг хугацааг ухрааж өгөхийг гуйж байна
Ээжийнхээ хатуу үгэнд зэмлүүлмээр байна
Аавынхаа ариун мутарт алгадуулмаар байна
2011-04-17 С. Уугантуяа

Уучлаарай ааваа

no_email@coo.mn (uukiinaa) — Tue, 06 Oct 2015 19:00:00 +0800

Доголон нулимсаа нууж мишээдэг Дэггvй охиноо уучлаарай ааваа Догдлол хураан цээжиндээ тvгшиж Дотогшоо нурж санасан шvv таныгаа Духаа vнэрлvvлээд гараас тань атгахдаа Дандаа атгаж чадахгvй ахархан заяандаа гомддог ч Удахгvй дээ гэсэн хvлээлт сэтгэлд хадаастай Уйлмаар байдаг ч нулимс аяганд минь тогтоостой Уужуу бодолтой ухаан саруул аав минь та Ухаан муу тэвчээргvй охиноо уучлаарай Удтал хvлээлгэсэн бол ойлгож уучлаарай Удахгvй тань дээрээ хvрээд очно оо аав минь.

Бү хүлээсээр…

no_email@coo.mn (uukiinaa) — Wed, 27 Aug 2014 00:11:00 +0800

Зүрхэнд үлдээгээд орхисон үгс чинь сэтгэл сэргээнэ Зүүдэнд ирээд буцсан төрх чинь дандаа нүдэнд үзэгдэнэ Зөөлөн шиврэх бороо үгсийг чинь дамжуулах шиг над дээр бууна Зуны үнэр сэтгэлийг чинь илчлэх мэт салхиар дамжуулан зүрхэнд шивнэнэ Ганцаардлын мананд төөрч будилах ч зөрөг зам бараадан алхална Ганцхан надад заяадаггүй хайрыг ертөнцтэй хуваалцахыг хүсэн дэвнэ Ганганах шувуудын сүргээс тасран үлдсэн мэт чамайгаа хүлээн энд л өнжинө Горьдсон сэтгэлээ мөр болгон үлдээж чиний ирэхийг энд л харуулдана

Чи минь уучил

no_email@coo.mn (uukiinaa) — Tue, 26 Aug 2014 23:55:00 +0800

Өнгөрсөн бүхэн буцаж ирдэггүй хорвоог Өнөөг хүртэл ойлгоогүй л явж дээ Өөлөх сэтгэлээр чамайгаа гомдоосноо Өр зүрх минь сая л ойлголоо Дурлал надад жаргал авч ирээгүй ч Дурсах дурсамж өчнөөн ихийг үлдээжээ Жаргал гэгчийг авч ирээгүй ариухан хайрыг минь Жаахан ч гэсэн ойлгооч Сэтгэлээ өгч дурласан шүү чамдаа Сэвтээж бүү шархлуулаарай Өр зүрх минь дассан шүү чамдаа Хагацлын нулимсаар намайг бүү үдээрэй

Тэнэглэл

no_email@coo.mn (uukiinaa) — Sat, 24 Aug 2013 19:18:00 +0800

Намуухан тэрний инээмсэглэлд татагдсандаа
Өөрийгөө зүхэх шиг болж гуниглана
Өөр хүн байсан бол гэсэн бодол эргэж
Одоо ингэж уйтгарлаж суухгүй дээ гэхээс
Өр зүрх минь шанална
Өмнө нь хийсэн нүгэл юм бол
Өөдгүй хүний сүнс байна гэж
Өөрийнхөө бодлыг улам өөхшүүлнэ
Үйлийн үртэй амьдралаа чи
Өөрөө сийлсэн хойно яахав "ХОХЬ ЧИН ТЭР" гэж
Өөртэйгээ ярьсан тэнэг хүн чинь "БИ"

Дурлаж бичсэн шүлэг

no_email@coo.mn (uukiinaa) — Sat, 26 Mar 2011 17:56:00 +0800

Би чамайг бодлоо
Бодлоос минь чи ер салахгүй байгаа учраас л тэр байх
Би өмнө нь энэ бүхнийг зүүд гэж боддог байсан
Бодит байдал дээр зүүд шиг л юм
Хэрвээ энэ зүүд бол
Хэзээч би сэрэхийг хүсэхгүй ээ
Хамгийн амттай зүүднээс
Хэн сэрэхийг хүсэх билээ дээ
Миний хүсдэг шиг хайрыг
Магадгүй ганцхан чи л өгч чадах юм шиг
Диваажин гэдэг тэртээ тэнгэрт байдаг ч гэлээ
Миний диваажин тэнд биш миний дэргэд үргэлж
Тэнд би үргэлж байна гэхээр л,,,
Хэзээч сэрэхийг хүсэхгүй
Хамгийн жаргалтай зүүдний минь эзэн чи билээ
Үг үсэг холбон шүлэг бичихэд хэцүү ч
Үзгээ барин чамайг бодоход л
Хоосон дэвтээр минь
Хичнээн мөр шүлэг явсан юм бэ?
Би нүдээ аньлаа
Чамайг бодлоо
Би нүдээ аньлаа
Чи надруу ялдам инээмсэглэсэн хэвээрээ л байна
Энэ аз жаргал биш гэж үү ?